Estradamiz yorqin ayol xonandalaridan biri bo'lgan Nilufar Usmonova "Sevgi qissasi"ni kuyga soldi. Bundan tashqari ushbu sevgi qissasi klip ko'rinishida sizu-bizni romantika og'ushiga chorlashi aniq.Barcha sevishganlarga bag'ishlangan ushbu trek uchun kuni kecha Sarvar Isayev tomonidan klip suratga olindi. Ushbu taronaning yozilishiga esa Nilufar Usmonovaning eng yaqin do'stlari nikohi sabab bo'lgan. Shuhrat Nuraliyev matni hamda Jasur Abdurahmonov musiqasi asosida bastalangan qo'shiq sizga albatta yoqadi. Darvoqe, klipda Nilufar Usmonovani o'ziga hos liboslarda ko'rishingiz mumkin bo'ladi. Hozirda klip montaj ishlari olib borilmoqda. Yaqin kunlarda esa saytimiz orqali tarona va klipga baho berish imkoni ham bo'ladi.
