
Ayni paytda ijodkorning "Sog'lom bola" deya nomlangan qo'shig'i tayyor va tez kunda FM to'lqinlari orqali tinglash imkoniga ega bo'lasiz. Ushbu ijod namunasi xonandaning tobora yaqinlashib kelayotgan ulug' bayramimiz - Mustaqilligimizning 23 yilligiga bag'ishlangan sovg'asidir. Ushbu qo'shiqda xonandaning vatanga bo'lgan muhabbati va iftixori aks etgan. Hozirgi kunda estradamiz yulduzi o'z ijodiy guruhi bilan hamkorlikda ushbu qo'shiq uchun maxsus klip suratga olishni rejalashtirmoqda. Qolaversa hozirda xonanda, bastakor va matn muallifi Rustambek Xudayberganov bilan "Yor-yor" nomli tarona ustida ishlamoqda. Ana shunday shijoat ila ijod qilayotgan Shoira Otabekovadan tez kunda sizu-bizga manzur kompozitsiyalarni qabul qilib olamiz.