Duet ijodkorlar ichida so'nggi paytlarda anchagina ko'zga ko'rinib qolgan hamda yangidan-yangi qo'shiqlarni muxlislarga taqdim etib kelayotgan Farhod va Shirin o'zlarining yangi qo'shiqlarini tez orada taqdim etishadi. Bundan tashqari...O'zgacha yo'nalish hamda kuylanishdan tortib barcha-barchasi kutilmagan o'zgarishga duch kelgan yangi qo'shiq nomi "Sevgilim" deya nomlandi. Bundan tashqari esa ijodkorlarning qo'shiqlaridan biriga ayni kunlarda 9999 studiyasi tomonidan maxsus klip ham suratga olinmoqda. Eng quvonarlisi esa, ushbu duetning ashaddiy muxlislari uchun tashkil qilinajak yakkaxon konsert dasturi sizni albatta befarq qoldirmasa kerak.
"Yoshlikda bergan ko'ngil" deya nom olgan ushbu konsert dasturiga tayyorgarlik yuqori tempda olib borilmoqda. Har holda ilk yakkaxon konsert va tashrif buyurajak muxlislarni lol qoldirishni o'zi bo'lmaydi. Hullas tez orada Farhod va Shirindan yangi qo'shiq, klip hamda eng muhimi yakkaxon konsertdan baxramand bo'lamiz.
