Xonanda va so'nggi paytlarda serialda antiqa qaynona obrazi bilan aktrisalik bobida ham bizga ma'lum bo'lgan Mavluda Asalxo'jayeva o'zining qirralari hali ko'p ekanligini ko'rsatishdan to'xtamayabdi.Aktrisalikni o'z maromiga yetkazib barchani qoyil qoldirgan ijodkor bir necha kun avval o'zining restorani ochilgani haqida ma'lumot berib o'tdi. "Bahor777" nomi ostida faoliyat boshlagan ushbu restoranda albatta siz xonanda o'zini ko'rishingiz ham mumkin. "Farg'ona yo'li" bozori yaqinidagi ushbu yangi restoranga barchani taklif qilmoqda. Odatda yulduzlarning shaxsiy restoran ochish udumi ko'pincha xorijdan qulog'imizga chalinar edi. Endi esa bu udum o'zimizda ham sekin-asta ommalashadi shekili. Kim biladi deysiz. Darvoqe, ijod masalasida ham to'xtash bo'lmasligi, ikki ishni bir maromda olib borish Mavluda Asalxo'jayevaga qiyinchilik tug'dirmasligi aniq.
