Tez orada yangi qo'shiq va unga ishlangan klipni taqdim etishni rejalashtirayotgan xonanda Munisa Rizayeva unga uylanmoqchi bo'lgan yigitlar uchun jiddiy talab qo'ymoqda.Xonanda va aktrisa Munisa Rizayeva o'zining bo'lajak turmush o'rtog'i qanday bo'lishi kerakligi haqida ma'lumot berdi, deb xabar qilmoqda "Bekajon" gazetasi.
"Bo'lg'usi turmush o'rtog'im oddiy ishda ishlasa-da kelgusida ro'zg'or aravasini tortib ketadigan, birovga qaram bo'lmaydigan, aqli-hushi joyida bo'lishi kerak, dedi xonanda. Otasining erkatoyi bo'lib, bor pulini ko'chaga sarflab yursa, oilam demasa, undan qanday qilib oilaboshi chiqadi? Agar uyim-joyim deydigan, oilaning kam-ko'stini badastir qilib qo'yadigan yigit bo'lsa, menga san'atni tashla desa, tashlayman!
Ayrim xonandalar bilan gaplashib qolsam, oylab bolalarimni ko'rmayman, deydi. Bu qanaqasi axir?! Daxshat! Men bunday bo'lishini xohlamas edim. Ona bolalarining yonida bo'lishi kerak! Yo'q, men bolalarimni ko'rmasdan yashay olmasam kerak".
Darvoqe, ijod borasida Munisa tez orada o'zining yangi qo'shiq hamda klipini taqdim etishni rejalashtirgan. Nomi hozircha sir tutilayotgan qo'shiq uchun klipni rejissyor Muhammadali Iskandarov suratga olmoqda.
