Shu kunlarda rejisser Bahrom Berdiyev tomonidan ishchi nomi "Qasos" deb nomlangan filmni suratga olish ishlari yakunlandi. Qizig'i shundaki, ushbu film eng so'nggi zamonaviy Full HD tizimini qo'llovchi qurilmalarda suratga olindi. Rejisserning aytishicha filmni tamosha qilayotganda tomoshabin reallikni boshqa filmlarga nisbatan ko'proq his qilar ekan. Filmni o'ziga kelsak, film Sherzod O'lmasov senariysi asosida 1 yil davomida suratga tushirilgan bo'lib, unda yulduzli akterlar guruhi ishtirok etgan. Jumladan, Ulug'bek Qodirov, Gulchehra Eshonqulova, Furqat Fayziyev, Sasha Moldahanov, Murod Rajabov, Yashin Hojamov, Ubaydullo Omon, Bobur Yo'ldoshev, Bekzod Tojiyev, Zuhra Soliyeva va boshqalar. Film premyerasi avgust oyi so'ngida rejalashtirilgan.