Kinokartina "Baxt ortidagi dard" deb nomlanib, insonlarning to'g'ri yo'ldan adashmasdan, ezgu maqsadlari sari intilib yashashni targ'ib etadi. Bosh rollarni taniqli ijodkorlar Sevinch Mo'minova va Sharof Muqimov ijro etishgan. Ushbu oilaviy juftlikning nafaqat xonanda sifatida, balki birgalikda aktyorlik qobiliyatini namoyish etishini guvohi bo'lishimiz mumkin.

Film avvalida bosh qaxramon yigit noqulay turmush vaziyati tifayli, qo'shnisi bilan to'satdan baxslashib, unga tan-jarohati yetkazadi va yetti yilga qamoq jazosiga mahkum etiladi. Sevgisiga sodiq bo'lgan uning yori intizorlik bilan yigitni kutadi. Uch yildan so'ng yigit hukumatimiz tomonidan taqdim etilgan amnistiya qarori bilan ozod etiladi. Ozodlikga chiqgach, sevishganlar yana uchrashishadi va baxtli hayot kechirish uchun go'yoki endi hech narsa halaqit qilmaydigandek edi. Ammo... Voqealar rivojini esa filmni tomosha qilgach, bilishingiz mumkin bo'ladi.