Guruh qo'shiq plagiat ekanligini dastavval bilmagan

Guruh qo'shiq plagiat ekanligini dastavval bilmaganKuni kecha bir necha jahon ommaviy axborot vositalarida Ziynat guruhini plagiatda ayblagan holda bir necha maqolalar chop etildi. Ushbu maqolalarga javoban sobiq guruhning prodyusseri Olimxo'ja Azimov quyidagicha javob qaytardi.

Haqiqatdan ham "Beg'ubor" taronasi 2012-yilda "Ziynat" guruhi tomonidan kuylab o'tilgan va Ruminiyalik xonanda qiz Cleopatra Stratanning "Număr până la unu" qo'shig'iga o'xshash jihatlari bor. Buning sababi esa, qo'shiqning o'zbek sayqali tayyor bo'lgach, uning "ijodkorlari" bizning guruhimizga taqdim etishgan, tarona g'oyasi bizga juda yoqqan. Qo'shiq kuylanib, unga klip ham suratga olinib, xarajatlar qilingan va ommaga taqdim etilganidan keyingina uning musiqasi plagiat ekanligini bilib qolganmiz. Bu taronani bizga taqdim etgan ijodkorlarni etiket jihatdan aytib o'tmayman, chunki ularga nisbatan shaxsiy g'arazim yo'q.

Xullas o'zbekcha qo'shiq kuylandi, internet tarmoqlari, disklar, radiostansiyalar va telefonlarda yangray boshladi. Endi "otilgan o'qni" qaytarib bo'lmas edi. Taronaning asl mualliflari oshkor bo'ldi va biz ularni izlay boshladik. Nihoyat, Cleopatra Stratanning otasi, ustozi va prodyusseri Pavel Stratan bilan, vositachi orqali bo'lsada, muloqot qilish imkoni topildi. Vositachi esa, Stratanlar mualliflik huquqlarini Yevropa va butun Jahonda himoya qiluvchi rossiyalik yurist va ijodkor Sergey Rogojin bo'lib chiqdi. Biz u orqali mualliflarga o'z vaziyatimizni va tarona qanday qilib tasodifiy tarzda kuylanganini tushuntirib o'tdik va ularning roziligini oldik. Shunday qilib, qo'shiq "o'g'rilik" sanalmasligiga imkon tug'ildi va bizni ko'nglimiz yengil tortdi. Demak, "Beg'ubor" (tinglovchilar zabonida "Xop-sha") qo'shig'ining musiqasi muallifi Pavel Stratan, o'zbek tilidagi matni muallifi Mahbuba Mirkamilova.

2013-yil boshidan Sergey Rogojin bilan muntazam internet orqali yozishib turdik va u Cleopatra Stratan bilan duet qo'shiq kuylash taklifini bildirdi. Aynan shundan keyingi e-mail yozishmalar asosi ila xamkorlikda o'zbek va rus tillari uyg'unligidagi qo'shiqni yaratish g'oyasiga kelishdik va amalga oshirishni boshlagan edik. Lekin, afsus, 2013-yilning avgust oyida "Ziynat" guruhi parchalanib ketdi va qo'shiq loyihasi vaqtinchalik "muzlatildi".

Bugungi kunda guruhimizning vakili sifatida Mahbuba Mirkamilova o'z ijodini yakkaxon tarzda davom ettirmoqda va Mahbuba Ziynat taxallusi ostida faoliyat yuritmoqda. So'ngi davr mobaynida "Meni yolg'iz qoldirma" (shoir va bastakor Yakzon) va "Xayrli tong" (bastakor Elmurod Mirdadayev, shoira Madina Sidiqova) qo'shiqlari tinglovchilar e'tiboriga taqdim etildi. Ushbu ijod namunalari haqiqiy mualliflik ishlari ekanligiga aminmiz. Ayni vaqtda yangi albom ustida ijodiy ishlar olib borilmoqda va bir dasta taronalar studiya jarayonida.


Kalit teglar: Ziynat

 
Xurmatli foydalanuvchi, saytimizdan ro'yhatdan o'tishingizni yoki o'z loginingiz yordamida avtorizatsiya qilishingizni tavsiya qilamiz.
 (голосов: 5)

Izohlar

  1. #1 Mehmon Akmal 3 fevral 2016 19:07 |

    Manim4a estradamizning ko'p qo'wiqlari, bu chet eldan o'girlangan musiqalar asosida aytiladi...

    Izohga javob berish
  1. #2 Mehmon Сабрия 15 fevral 2016 08:22 |

    Акмал сиз айтганчалик хам эмас

    Izohga javob berish
  1. #3 Mehmon Ботир 26 fevral 2016 17:08 |

    хозир бу модаку

    Izohga javob berish
  1. #4 Mehmon Dilya 17 mart 2016 01:43 |

    Chet eldan olinadimi yqmi har holda yaxshi qshiq chiqqan. Eshitgan odam zerikmidi!

    Izohga javob berish
  1. #5 Mehmon akmal pl 21 mart 2016 21:11 |

    Hamma qo'lidan kelganini qiladi

    Izohga javob berish

Izoh qoldirish


Kod:
Включите эту картинку для отображения кода безопасности
kod ko`rinmagan holda yangilang

kodni kiriting:

O'Z REKLAMANGIZNI SHU YERDA JOYLASHTIRING