May oyida o'zining 38 yoshini nishonlagan mashxur futbolchi Devid Bekham sportdagi faoliyatini to'xtatdi. Shunga qaramay uning turmush o'rtog'i Viktoriya Bekham o'zining intervyularidan birida turmush o'rtog'ining filmda ham paydo bo'lish ehtimoli mavjudligini takidlagan. "Turmush o'rtog'imning juda ko'plab mahoratli taraflari mavjud va u o'zini boshqa amplulada sinashi mumkin. O'ylaymanki Devid Jeyms Bond rolini o'ynashi lozim! U ajoyib Bond bo'la oladi" deydi Viktoriya. Ammo sportchining o'zi esa aktyorlik qobiliyatiga shubha bilan qarashini aytib o'tdi. "Oilamizning ko'plab aktyor tanishlari mavjud. Ulardan biri Tom Kruz oilamizning qalin do'sti. O'zimga kelsak kinoda rol o'ynash niyatim yo'q. Menimcha mendan yaxshi aktyor chiqmaydi" deydi Bekham. Devidning bu rolni o'ynashi uchun har tomonlama to'g'ri kelishi aniq, ko'rinishi, harakteri, uning stili, qomati. Balki vaqti soati kelib u o'zini kinoda sinab ko'rar. Lekin shunisi aniqki, Devid agarda James Bond rolida paydo bo'lsa, filmdagi raqiblarini qurol yordamida emas, balki futboldagi dribling harakatlari yordamida yengishi aniq.

Zulfiya Rustamova tayyorladi.