Enrike Iglesias konsert mobaynida jiddiy jarohatlandi

Enrique IglesiasIspaniyalik mashhur qo’shiqchi Enrike Iglesias Meksikaning Tixuana shahrida bo'lib o'tayotgan konserti davomida qo'lini jarohatlab oldi va AQSHga davolanish uchun yo'l oldi.

Ma'lum bo'lishicha, 31-may oqshomida o'tkazilgan konsert vaqtida zaldan muhlislardan biri surat olish uchun uchirgan dron qo'shiqchiga yaqinlashib kelgan. Iglesias esa dronni o'zidan uzoqlashtirish maqsadida uni qo'li bilan urib tushirmoqchi bo'ladi. Lekin dron parraklari uning barmoqlaridan biriga jiddiy jarohat yetkazgan.

Tibbiyot xodimlari darhol birinchi yordamni ko'rsatishgan va Iglesiasning qo'lini bog'lab qo'yishgan. Shundan keyin, Iglesias sog' qo'li bilan mikrofonni tutgancha 1,5 soat davomida qo'shiq kuylagan. Ayni vaqtda u Kaliforniya shtatidagi Los-Anjeles shifoxonasiga olib ketilgan.

Internetda Iglesiasning oq futbolka kiygan va jarohatlangan qo'lidan qoni oqib turgan holatida konsertni davom ettirayotgani tasvirlangan suratlar tarqaldi.

Qayd etish joizki, ushbu 40 yoshli qo'shiqchi iyul oyida ham Meksikada konsert berishni rejalashtirgan.

Ma'lumot uchun, Enrike Iglesias Lotin Amerika musiqasi olamidagi eng mashhur zamonaviy ijodkorlardan biri hisoblanadi. U 20dan ortiq maxsus mukofotlarni qo'lga kiritgan. "Gremmi" mukofotiga ham egalik qilgan bu qo'shiqchi o'z faoliyati davomida o'ndan ortiq musiqiy albom yaratgan.


Kalit teglar: Enrique Iglesias

 
Xurmatli foydalanuvchi, saytimizdan ro'yhatdan o'tishingizni yoki o'z loginingiz yordamida avtorizatsiya qilishingizni tavsiya qilamiz.
 (голосов: 3)

Izohlar

Izoh qoldirish


Kod:
Включите эту картинку для отображения кода безопасности
kod ko`rinmagan holda yangilang

kodni kiriting:

O'Z REKLAMANGIZNI SHU YERDA JOYLASHTIRING