Bugungi suxbatdoshimiz o'zining ko'plab komedik rollari bilan barchaga tanish va sevimli bo'lib qolgan, M&TVA-2011 marosimi Eng yaxshi erkak aktyor nominatsiyasi g'olibi bo'lmish Muhammadiso Abdulhairovdir. Suxbatimiz bir oz qisqa bo'lsada ushbu suxbatni sizga taqdim etishga qaror qildik.

> Bolalikdagi orzuingiz, aktyor bo'laman deb o'ylaganmisiz?

Muhammad Iso: Men bolaligimda aktyor bo'lishimni bilganman. Chunki bog'chaga borganimda bog'cha opalarimni kuldirib yurganman. O'sha vaqtda bog'cha tarbiyachilarni kuldirib yurardim. O'sha payt tushunmas edim kuldirish nimaligini, hozir endi tushunyapman. Ular meni bolalarni ichida alohida yoqtirar ekanda. "Iso, Iso bu yoqqa kel", dugonalari ham kelib qolsa "Anu artist borku, shuni qiliqlarini ko'rsatib ber" deyishsa, ko'rsatib, kuldirib o'tirar ekanman. Demak, men o'sha vaqtdan teatrda ishlab yurgan ekanman. Umuman olganda teatr degani bu albata teatr binosiga borib ishlash emas. Teatr degani, ikki kishi suhbatlashib o'tiribdi, bitta odam eshitib o'tiribdi - ana shu teatr degani. Shuning uchun men shu teatrda bolaligimdan ishlaganman deb bemalol ayta olaman. Aktyor bo'lishni esa bolaligimdan orzu qilganman. Chunki aktyor bo'lmasam slesar yoki direktor ham bo'la olmasdim. Aldash oson meni.

> San'atga qanday qilib kirib kelgansiz?

Men san'atga eshikni ochib kirib kelganman. Teatr va san'at institutiga kelganmanda, eshikni mundoq ochsam, meni kutib olishgan. Endi kirib kelganim qanday, aktyor bo'lgim kelgan, xudoga beadad shukr o'ylagan niyatlarim o'ylagan orzularimning hammasi amalga oshyapti.

> Muhlislar sizni aynan komedik janrdagi rollaringiz orqali tanishadi, jiddiy rollaringiz ham bormi? Nima uchu ko'proq komedik janrlarda namoyon bo'lasiz?

Nima uchunligini men bilmayman. Bu savolingizga men javob bera olmayman. Nega desangiz bu savolni rejissyorlardan so'rash kerak. "Arosat" filmini ko'rgan bo'lsangiz, bu kartinada o'ta jiddiy rolni ijro etganman. U yerda komediya kontrast bu narsaga. Jiddiy rollarda o'ynaganman. Maqtanish emas, xudoga beadad shukr har xil rollarni ijro eta olaman.

Suxbatning davomi yaqin kunlarda...