O'zbek estrada olamida kundan-kun yangidan-yangi xonandalar paydo bo'lib bormoqda. Bugun ular qatoriga yana bir yangi ijodkorni qo'shsak bo'ldi. Asli modellik biznesi bilan shug'ullanuvchi ushbu ijodkorimiz bo'lmish Aladdin hozirga qadar 8ga yaqin taronasini biznin saytimiz orqali taqdim etib kelmoqda. 2010-yildan buyon xonandalik sirlarini o'rganib, kuylab kelayotgan Aladdin qiziq tomoni shu kungacha o'z qo'shiqlari matnini o'zi yozib kelmoqda. Musiqa borasida xonanda Rinat Abubakirov bilan hamkorlik qiladi va ushbu hamkorlik samarasi "Hayotim", "Sevgiga aldanay", "Yurak urar", "Yonaman", "Orzular", "So'ngi kun", "Yangi kun kelar" va "Seni izlay" singari qo'shiqlarda yaxshi aks etgan. Hozirda ilk taronasi uchun klipni taqdim etish arafasida turgan Aladdin "Ijodiy jamoam menga yangi g'oyalarimni amalga oshirishim uchun yelkadosh bo'layotgani kuch bag'ishlaydi" deya ijodga jiddiy kirishgan. Xonandaning shiori "Orzular ezgulik yo'lida ushalsin". O'ylaymizki ushbu yosh ijodkor o'zgacha uslubi bilan kelajakda haqiqiy yulduz darajasiga ko'tarila oladi.