FM90 to'lqinida deyarli 6 yildan buyon barchaga tabassum ulashib kelayotgan A'lo FM radiosi yaqinda o'zining 6 yoshini qarshi oladi. 2009-yildan buyon har yili radio o'z tavallud ayyomini Gala konsert tashkillashtirgan holatda barcha bilan birgalikda nishonlaydi. Bu yil ham o'tgan yilgilardan qolishmagan holda A'lo FM radiosi o'zining 6 yillik tavallud kunini siz azizlar bilan birgalikda konsert kechasida o'tkazishni rejalashtirgan. Sevimli yulduzlarga boy o'tishi aniq bu yilgi dastur ham Turkiston yozgi saroyida 18-iyul kuni soat 19:00da start olishi aniq. Qizig'i shundaki bu yilgi konsertda Ozarbayjon yulduzi, "Mene gel", "Oyane gedir bu yane gedir", "Teki sen hoshbext olasen" kabi taronalari orqali yurtimizda tanilgan Uzeyirning ishtirok etishi ko'pchilik uchun kutilmagan yangilik bo'lsa kerak. Hozircha konsert dasturiga radio ijodkorlari tinimsiz tayyorgarlik ko'rish bilan bandlar. Bu yilgi dasturda qanday chiqishlar bo'lishini esa keyingi yangiliklarimizda albatta to'xtalib o'tamiz.
