Kuni kecha, yani 18-iyul kuni A'lo FM radiosi o'zining 6 yillik to'yiga bag'ishlab har yilgidek gala-konsert dasturini taqdim etdi. Bu yilgi konsert avvalgi yillardagidanda o'zgacha o'tishini avvalgi yangiliklarimizda takidlab o'tgan edik. Buni qarangki konsert dasturi ijodkorlar kutganidan ham a'lo darajada bo'lib o'tdi. Konsert boshlanishiga 1 soat vaqt qolganida Turkiston yozgi sayori atrofini tumonat odam egallagani tashkillashtirilayotgan konsertga bo'lgan qiziqhsni katta ekanligini anglatib turar edi. Hali konsert boshlanmasidanoq joylar to'lib bo'lgan va hattoki tomoshabinlar zinalarga o'tirib konsert dasturidan bahramand bo'lishni intizorlik bilan kutishar edi. O'zbek estradasining ko'plab yulduzlari hamda yoshlarning sevimli guruhlari Rayhon, Shahnoz, Sardor Rahimxon, Yodgor Mirzajonov, Dilso'z, Otabek Mutalho'jayev, Ziyoda, Ulug'bek Rahmatullayev, Ruxshona, Shohruhxon, Shod, Mango, Ato, Ummon kabi ijodkorlardan tashqari Comedy.uz, QVZ qizlar terma jamoasi ham ishtirok etishdi. Bundan tashqari Ozarbayjon estrada vakili Uzeyirning tashrifi konsertning yuqori darajada o'tishini ta'minladi desak hato bo'lmaydi. Konsert haqida hali ko'p gapirsak ham oz. Lekin yaqin kunlarda ushbu konsertga bag'ishlangan video intervyuni sizga havola etamiz. Hozircha esa quyidagi yo'llanma orqali konsert fotosuratlaridan bahramand bo'lishingiz mumkin.
