Xabaringiz bor kuni kecha O'zbekistonda xizmat ko'rsatgan artist, o'zbek estradasining mega yulduzi Sardor Raximxon allaqachon o'z muxlislarini topib ulgurgan "Aylanib ketoyin" taronasiga klip suratga oldirdi. Bu gal Sardorning ijodiy xamkori "Akanga boq" klipining muallifi iste'dodli rejissyor Sarvar Isayev bo'ldi. Milliy ohanglar bilan xamoxang zamonaviy xonishning video klipi yumoristik ssenariy asosida suratga olinganini suratlardan ko'rib turibsiz. Rollarda To'ti Yusupova, Ra'no Yarasheva, Alisher Uzoqov, Parizoda, Muqaddas Xoliqova, Said Muxtor kabi bir qancha xalqimizning sevimli aktyorlari ishtrok etishdi. Shahrimizning markazidagi 2200 yillik tarixga ega Ming O'rik qal'asida bo'lib o'tgan ijodiy jarayon naqd bir kun davom etdi. Biroq ish jarayoni yana bir necha xafta davom etsa kerak. Har holda montaj deganlaridek... Eslatib o'tamiz "Aylanib ketoyin" taronasining mualliflari Iqbol Muhammad, Nodir Azimov xamda Jasur Badalboyev. Yozning eng qaynoq premyerasi bo'lishi kutilayotgan ushbu klipni intizorlik bilan kutib qolamiz.
