O'zbekistonda xizmat ko'rsatgan artist Sardor Raximxoning "Yana manda, yana sanda" taronasi hamda unga ishlangan videoklip muhlislarga manzur kelgani sir emas. Yangi taqdim etilishi ko'zda tutilayotgan navbatdagi yangi tarona ham yuqoridagi tarona kabi muhlislarga maqbul bo'la oladi. Sababi yangi tarona mualliflari aynan "Yana manda, yana sanda" taronasining ijodkorlari, yani musiqasi Iqbol Muhammad, so'zi Nodir Azimovga tegishli bo'lgan yangi milliy yo'nalishdagi "Yuragimni" taronasiga Nasrullo Mamadxonov tomonidan musiqiy bezak berilmoqda. Ha aytgancha, ushbu yangi taronaga Muhammadali Iskandarov tomonidan klip suratga olinishi rejalashtirilmoqda. "Yana manda, yana sanda" klipini ham aynan Muhammadali Iskandarov rejissyorligi ostida suratga olinganligini eslatib o'tamiz. Shunday ekan, Rahimxondan navbatdagi yangi hitni klipi bilan birgalikda tez orada birgalikda qarshi olsak ajab emas.
