Kuni kecha Jasur Umirov yangi taronalar ustida ishlamoqda edi. Bugun esa xonanda ana shu yangi taronalar uchun klip suratga olishni xam boshlab yubordi. Zafar Qodirov musiqasi, Jasur Umirov she'ri asosida Jasur Kenjayev musiqiy sayqal bergan "Xay bola" deb nomlangan ushbu qo'shiq uchun klipni klipmeyker Narimon Sultonxo'jayev suratga olmoqda. "Telba" nomli taronaga keladigan bo'lsak, Jasur Umirov matni ila Zafar Qodirov musiqa bastalagan, faqatgina klipni Jasur Shametov suratga olishga muyassar bo'lgan. Ushbu ikki taronaga ishlangan klipni yaqin kunlarda TV kanallarida ko'rib baho berish imkoniyatiga ega bo'lamiz.