Estrada olamida bir necha yillardan beri ijodiy faoliyatini davom ettirib kelayotgan xonanda Jasur Umirov xalq uchun qator taronalar yaratib kelmoqda. Bu safar xonandadan "Jumagul" deya nom olgan yangi tarona tinglashga muyassar bo'lamiz. Tarona musiqasi Jasur Kenjayevga, matni esa xonandaning o'ziga tegishli bo'lib, iqtidorli klipmeyker Narimon Sultonxo'jayev tomonidan klip ham suratga olindi. Xonandaning ashaddiy muhlislari diqqatiga yana bir yangilik! Dekabr oyida Jasur Umirov Istiqlol san'at saroyida yakkaxon konsert dasturini taqdim etishni rejalashtirmoqda. Bu haqida esa keyingi yangiliklarimizda batafsil to'xtalib o'tamiz.