
San'atkorlar ichida o'zining ajoyib hislatlari, serkirra ijodkorligi bilan ajralib turuvchi xonanda Shohruhxon bu gal rejissyor Mirmaqsud Ohunovning "Sen ketma" kinokartinasida bosh rolda suratga tushibgina qolmay, balki ushbu film uchun saundtrek xam ijro etdi. Saundtrek musiqasi Shohruhxonning o'ziga, matni esa Bobur Umarovga tegishli ushbu tarona musiqiy sayqalini barchamizga tanish bo'lgan Jasur Badalboyev maromiga yetkazgan. O'ylaymizki, Shohruhxon bu filmda xam o'zining mahorati bilan muhlislar qalbidan yuqori darajada joy egallaydi. Ha aytgancha, shu kunlarda Shohruhxon o'zining yakkaxon konsert dasturiga tayyorgarlik ishlarini olib bormoqda. Ma'lumotlarga ko'ra konsert dasturi 12-13 oktabr kunlari Istiqlol san'at saroyida bo'lishi aniq. Demak muhlislar, konsert uchun chiptalarni harid qilishga oshiqsak bo'laveradi.