Kuni kecha Alisher Navoiy (Panorama) nomidagi kino saroyida Alisher Uzoqovning ikkinchi rejissyorlik ishi bo'lgan "Endi dadam bo'ydoq" filmi premyerasi bo'lib o'tdi. Avvalgi yangiliklarimizda film haqida ko'p bora to'xtalib o'tganimiz sababli ushbu yangiligimizda faqatgina premyera haqida to'xtalib o'tamiz. Boshqa kino premyeralaridan farqli ravishda ushbu premyera avvalgilaridan katta farq bilan o'tdi. Sababi barcha filmga tashrif buyurgan kino va estrada yulduzlari mahsus qizil gilam to'shalgan yo'lak orqali ommaga tanishtirilib qarshi olindi. Odatda bunday ko'rinishdagi tanishtiruv faqatgina horijdagi katta tadbirlarda kuzatish mumkin edi. Film haqida to'htaladigan bo'lsak, "Endi dadam bo'ydoq" filmi haqiqiy oilaviy hamda o'zbek mentalitetiga mos film bo'lganligini aytish mumkin. Yumorga boy ushbu filmni bugundan kinoteatrlarga tashrif buyurib tomosha qilishingiz mumkin bo'ladi. Bir narsani aniq aytishimiz mumkin, film omadli chiqgan va 1 marta tomosha qilgan inson yana tomosha qilishi aniq. Ha aytgancha, filmda Jamila G'ofurovani siz o'zgacha imij va rolda ko'rishingiz mumkin bo'ladi. Quyida esa premyeradan ba'zi fotosuratlarni hukmingizga taqdim etamiz.
P.S.: "Catalea Group" tomonidan tashkillashtirilgan o'zgacha premyeralar soni ko'payishiga tilakdoshmiz.
