Kuni kecha, yani 26-27-oktabr kunlari Istiqlol san'at saroyida estradamizning taniqli yulduzi bo'lmish Ulug'bek Rahmatullayevning "Layloyimsan" deya nomlangan yakkaxon konsert dasturi bo'lib o'tdi. Ushbu konsert haqida avvalgi yangiliklarimizda sizni bohabar etgan edik. Bugun ushbu konsert dasturi qanday o'tgani haqida ma'lumot berib o'tishni joiz deb bildik. Demak, konsert dasturi jonli tarzda bo'lib o'tdi desak hato bo'lmaydi. Muhlislarning doimiy qo'llab-quvvatlashlariyu, mehmon sifatida tashrif buyurgan yulduzlarimizning tashrifi. Albatta ular qatorida Munisa Rizayeva, G'ulomjon Yoqubov, Rayhon, Narimon Sultonxo'jayev va boshqa ko'plab yulduzlarni aytib o'tishimiz mumkin. Ulug'bek Rahmatullayev konsert davomida o'zining kichik hazillari bilan, bundan tashqari Sherzod Bin ko'rsatgan saxnasi hamda Davron Kabulovning muhlislar orasida o'tkazgan viktorinasi barchaga yanada ko'tarinki ruh bag'ishlay oldi. Konsert taasurotlari bir olam. Gapirsa gap ko'p. Lekin bir ko'rishga yetmasa kerak. Quyida siz uchun konsert dasturidan bir necha fotosuratlar hamda ba'zi chiqishlar jamlangan videolavhani taqdim etamiz.

Ulug'bek Rahmatullayevning "Layloyimsan" konsert dasturidan video