O'zbek estradasida o'zining alohida o'rniga ega bo'lgan, O'zbekistonda xizmat ko'rsatgan artist, ustoz san'atkor Nasiba Abdullayeva bir-necha taronalarini yangicha talqinda kuylab o'tdi. Jumladan, Huvaydo g'azali va Alisher Rasulov musiqasi bilan kuylangan "Arzimni aytdim" taronasi hamda Kamoliddin Sodiqxo'jayev matni, Noufal Muhammedov musiqasi va Aziz Xolmurodov musiqiy sayqali bilan yaralgan "Qaldirg'och" nomli taronalarini tez orada yangicha sayqalda tinglashimiz mumkin bo'ladi. Shu bilan birgalikda marhum ustoz san'atkor Muhriddin Holiqov xotirasiga bag'ishlab, "Laylim" hamda Ozarbayjon va Fors tillarida kuylangan yangi taronalar tez kunlarda siz muhlislarga taqdim etilishi kutilmoqda.
