O'zbek shou-biznesida o'ziga hos o'ringa ega bo'lgan taniqli klipmeyker, rejissyor, operator Yodgor Nosirov shu kunlarda bir necha kliplarni suratga olib, ketma-ketlik ila taqdim etib kelmoqda. Yaqindagina Lolaning "Endi yo'q", Shahzodaning "Qo'llar tepaga" taronalariga ishlangan kliplarni taqdim etgan rejissyor, endilikda Shahzod, Afruz guruhlari, yosh ijodkorlar Jaloliddin uchun ketma-ket kliplarni suratga olib bo'ldi. Hozirda klipmeyker Dildora Niyozovaning "Ota-ona" taronasi uchun tarbiyaviy ahamiyatga ega bo'lgan klip ustida ish olib bormoqda. Ushbu klipda biz Adiz Rajabovni ham uchratishimiz mumkin bo'ladi. Ha aytgancha, Yodgor Nosirov bir necha so'nggi kliplar ssenariysini Jamshid Hojiniyozov bilan birgalikda yaratmoqda. Ushbu ijodiy hamkorlik mevalarini esa yaralayotgan kliplar rang-barangligidan bilib olish qiyin emas. Quyida esa Dildora Niyozovaning "Ota-ona" taronasiga ishlanayotgan klipdan ba'zi fotolavhalarni taqdim etamiz.