Ko'plab hit qo'shiqlar ijrochisi bo'lmish Ulug'bek Rahmatullayev doimgidek o'z muxlislari uchun qiziqarli kliplaru qo'shiqlar taqdim etishni xush ko'radi. Yaqindagina o'zining navbatdagi "Sog'inib" taronasini FM to'lqinlari orqali taqdim etgan ijodkor ushbu taronasi uchun klip olishni jiddiy niyat qilgan ekan. Istedodli klipmeyker Yodgor Nosirov hamda so'nggi paytlarda kliplar uchun o'ziga hos ssenariylar yaratayotgan Jamshid Hojiniyozov bilan birgalikda ushbu klip suratga olish ishlari kuni kecha yakuniga yetdi. Romantik ko'rinishga ega bo'lgan klipda Setora Alimjonova hamda Sherzod Binlar asosiy obrazda namoyon bo'ladilar. Bundan tashqari ushbu klipni suratga olishda klipmeyker Yodgor Nosirov to'xtovsiz 24 soat davomida ish olib borgan va hattoki bir oz betob bo'lib qolgan. Qiyinchiliklarga qaramasdan ushbu klip sanoqli kunlar ichida sizning hukmingizga taqdim etiladi. Hozircha ushbu klipdan ba'zi fotosuratlarni hukmingizga havola qilamiz.