Estrada olamida o'zining diltortar taronalarini bir-necha yillardan buyon omma e'tiboriga taqdim etib kelayotgan xonanda Alisher Ro'zmetov ijodiy repertuarini yangidan-yangi taronalar bilan to'ldirib kelmoqda. Xonanda o'z ijodini boyitish maqsadida xorazm shevasida "Nozigim" nomli yangi tarona yaratdi. Ushbu taronaga Alisher Ro'zmetovning o'zi musiqa bastaladi. Sherzod Nurmatov esa maromiga yetkazib musiqiy sayqal berdi. Shu bilan birgalikda Alisher Ro'zmetov Vatan madhini tuygan holda, yuqorida ta'kidlab o'tgan ijodkorlar bilan Ona Vatan mavzusiga doir yangi tarona ustida ish olib borishmoqda. Hozircha esa yangi taronalarni qarshi olishga shay bo'lsangiz kifoya.
