Tinib tinchimas xonanda Alisher Ro'zmetov yangidan-yangi taronalar yaratishdan aslo charchayotgani yo'q. Xonanda "To'ylar muborak" va "Ra'noyim" nomli yangi taronalarni ijro etdi. "To'ylar muborak" taronasi barchamizga tanish. Xonanda ushbu taronani zamon bilan hamnafas bo'lgan holda zamonaviy uslubda kuylab o'tdi. Navbatdagi "Ra'noyim" taronasiga keladigan bo'lsak, Ibrohim Jiyanov matni hamda xonanda Alisher Ro'zmetov musiqasi bilan bastalandi. Taronalar tez kunlarda albatta radio to'lqinlar orqali o'z jarangini sochsa ajab emas.