Gavhar Sharipova so'zi, Jasur Javharnazarov musiqasi ila Oybek va Nigora "Ayro" taronasini kuylab o'tishgan edi. Buni qarangki, klipmeyker Sanjar Xadji tomonidan ushbu tarona uchun Taylandda klip suratga olindi. Klip olish jarayonida ijodkorlar nafaqat taronada, balki rostdan xam ayrilib qolishdi. Bir oz Tayland metrosida adashgan yoshlar va nihoyat 3 soatlik ayriliqdan so'ng yana topishishga muyassar bo'ldilar. Xayotda "Ayro" taronasini kuylab, rostdan ham ayrilib qolgan xonandalar bir birlarini ko'rib, endi sira ayrilmaslikka axd qilishdi.
