Estradamizning uch nafar zabardast yigitlaridan tashkil topgan Shod guruhi shu kunlarda muhlislari uchun yangi yilga sovg'a hozirlash bilan bandlar. Musiqa va matni guruh ijodkorlariga tegishli bo'lgan "Yurak" taronasini shu kunlarda FM to'lqinlari orqali tinglagan bo'lsangiz ajab emas. Jasur Badalboyev oranjerovkasi ila yaratilgan ushbu tarona uchun Yodgor Nosirov tomonidan trek yo'nalishida klip suratga olinmoqda. Aynan ushbu klip yangi yil arafasida barcha muhlislar uchun bayram oldi sovg'a bo'la olsa ajab emas. Ha aytgancha, ba'zi mish-mishlarga ko'ra Shod guruhini yaqindagina uylangan Doniyor tark etgan emish. M&TVA-2012 da Eng yaxshi guruh nominatsiyasida qatnashayotgan Shod guruhi uchun agar bu gaplar rost bo'lsa, haqiqiy zarba bo'lishi hech gap emas. Hozircha bu gaplarga oydinlik kiritish maqsadida guruh ijodkorlariga yuzlanamiz. Balki bu gaplar shunchaki mish-mishdir?
