Iste'dodli xonanda, Nihol mukofoti sovrindori Ziyoda ijod borasida yanada ko'plab yangi taronalarni o'z muhlislariga xadya etmoqlikni niyat qilgan ko'rinadi. Gavhar Sharipova so'zi, Rustam To'lashev musiqa va oranjirovkasi ila "O'zingda o'zing" nomli sho'x, raqsbop tarona bunga misol bo'la oladi. Ushbu tarona uchun syujet ko'rinishda klipmeyker Rustam Murodov tomonidan klip ham suratga olindi. Unda aktyorlardan Alisher Uzoqov, Sevara Soliyeva va Shahzoda Muhamedovalar suratga tushganlar. Bundan tashqari Ziyoda Bahodir Nizomov so'zi, Rustam To'lashev musiqa va oranjirovkasi ila "Kel-kel" nomli yangi taronani ham tez orada taqdim etishi ko'zda tutilgan. Shu bilan birga "Bolaligim", "Rizqim bor", Navruz ayyomiga bag'ishlab Timur so'zi, Furqat Bobojonov musiqasi ila "Tamanno" taronalari ham muhlislarga xush kelsa ajab emas.
