Xonanda, aktyor va oxirgi paytlarda kinofilmlar uchun ssenariylar yozishni boshlagan serqirra ijodkor Aziz Rametov, iste'dodli, o'zgacha yo'nalishga va imijga ega bo'lgan xonanda Munisa Rizayeva bilan birgalikda duet ijro etishdi. Ular ijrosidagi yangi duet sport mavzusida bo'lib, tarona nomi ham Sport deb nomlangan. Ingliz va rus tillarida ijro etilgan tarona uchun klipmeyker Timur Primqulov tomonidan trek xamda syujet ko'rinishda klip ham suratga olindi. Bundan tashqari Aziz Rametovdan yaqin kunlarda rok yo'nalishdagi "Armon" taronasi hamda unga ishlangan klipni qarshi olishingiz mumkin bo'ladi. Ha aytgancha, Aziz Rametov tomonidan suratga olinayotgan "Sevishga shoshil" deb nomlangan kinokartinani tez kunlarda yurtimiz kinoteatrlarida ko'rish imkoniga ega bo'lasiz. Filmda aktyorlardan Asal Shodiyeva, Zara Shirinova va debyutant aktyor Abbos Abdullayevlar ishtirok etishgan.
