Botir Qodirov bilan kuylangan duetidan so'ng xonanda Munisa Rizayeva duet tarona kuylashga jiddiy qiziqib qolgan ko'rinadi. Ushbu qiziqish natijasida Aziz Rametov bilan rusizabon oxangda duet kuylab o'tgan edi. Endi esa...Endi esa Munisa Rizayeva bir necha duet taronani hozirlamoqda. Qizlarning sevimli xonandasi Shohruhxon bilan yaratilayotgan navbatdagi duet "Keragim" deya nomlanadi. Shohruhxonning konsertidan so'ng ushbu taronaga maxsus klip ham suratga olinishi rejalashtirilgan. Bundan tashqari Munisani endilikda Afruz guruhi bilan ham duet tayyorlayotganini sizga oshkor qilishimiz mumkin. Tarona nomi hozircha bizga qorong'u, lekin klipi aynan Malayziyada suratga tushirilishi aniq. Klipdagi saxna ko'rinishi Ummon bilan aytilgan duetdan anchagina farq qilishi aniq. Yana kim biladi deysiz? Ha aytgancha, avvalgi yangiligimizda Munisaning yakkaxon konsert qo'yishni rejalashtirgani haqida ma'lumot berib o'tgan edik. Ushbu konsert sanasi ham ma'lum bo'ldi. Demak 20-21-22-iyun kunlari muhtasham "Istiqlol" saroyida Munisadan jonli ijrodagi yakkaxon konsert dasturini qarshi olishingiz mumkin bo'ladi.
