Estradamizning tinib-tinchimas ijodkori bo'lmish Nilufar Usmonova yaqindagina o'zining kutilmagan va antiqa taronasini taqdim etgan edi. Buni qarangkki ijodkor o'z muxlislari uchun yana bir katta sovg'ani hozirlab qo'yganligini ma'lum qilmoqda. Demak, sanoqli kunlardan so'ng Nilufar Usmonovadan navbatdagi "Qadrimga yet" deb nomlangan yangi albomni qarshi olishingiz mumkin bo'ladi. Albomda xonandaning 16 taronasi joy olgan bo'lib, ulardan biri yoki bir nechtasi duet tarzida kuylanganligi ma'lum. Lekin duetdosh kim ekanligi esa sizu-biz uchun no'malumligicha qolmoqda. Fikrimizcha ushbu no'malumlik yaqin kunlarda albatta barham topadi va yangi albomdagi taronalardan barchamiz baxramand bo'lamiz.