O'zbek estradasida doimiy ravishda yangidan-yangi xonanda va guruhlar paydo bo'lib kelmoqda. Ba'zilari oz fursat, ba'zilari esa uzoq muddatdan beri o'z muxlislarini ijodlari bilan xursand qilib kelmoqdalar. Estradamizga shiddat va katta ishtiyoq bilan bugun Sarbast guruhi ham o'zining ilk taronasini MUZ.UZ sayti orqali premyera qilgan holda kirib keldi. Jasur Project musiqasi hamda Rustam Tursunov matni asosida yaratilgan "Esimda" taronasi bilan o'z ijodlarini boshlagan yigitlar haqida hozircha bizda ma'lumot yo'q. Lekin tez orada ularning fotosuratlari hamda yangidan-yangi taronalarini hukmingizga havola etamiz. Hozircha esa ilk taronadan baxramand bo'lishingiz mumkin. Ha aytgancha, ushbu tarona muhabbat dardiga uchraganlar qalbini larzaga solishi aniq.
