Estradamizning ajralmas va ba'zida "urushqoq" dueti bo'lmish Oybek va Nigora o'zaro kelisholmay qolishgani haqida avvalgi yangiliklarimizdan birida sizni boxabar qilgan edik. Ijodkorlar katta tanaffusdan so'ng va nihoyat navbatdagi kliplarini taqdim etishga ahd qilishdi.To'g'risini aytganda duetning anchadan buyon klip taqdim etmayotganligi ko'plab muxlislarni havotirga sola boshladi. Ba'zi mish-mishlarga ko'ra duet parchalanib ketgan edida o'zi ham. Lekin aslida bunday emasligiga siz ham aniq ishonishingiz mumkin. Demak "Kechir" taronasi uchun rejissyor Rustam Meliyev tomonidan maxsus klip suratga olindi. Qizig'i hozirgi kunda ba'zi filmlar 20 kunda suratga olinayotgan pallada aynan ushbu klip naqd shuncha, ya'ni 20 kun mobaynida suratga olindi. Klip uchun ko'plab maxsus effekt va grafika ishlatilayotganligi sababli uni katta byudjetgadi klip qatoriga kiritish mumkin. Ana endi eng qiziq palla. Oybek va Nigorani ushbu klipda parvoz qilganiga guvox bo'lasiz. Bundan tashqari klipda ko'plab qizlarimizning sevimli boshlovchisi Davron Kabulovni ham uchratishingiz mumkin. Syujet qandayligiga esa klipni aynan 14-fevral kuni Oybek va Nigoraning yangi sirli albomi bilan birgalikda qarshi olganda guvox bo'lasiz. Quyida esa ushbu klipdan ba'zi fotosuratlarni hukmingizga havola qilamiz.
