Estradamizda milliy yo'nalishdagi ijrolariyu, o'ziga hos kliplari bilan tanilgan san'atkor, O'zbekistonda xizmat ko'rsatgan artist Alisher Fayz bu yil ham har yilgidek o'z muxlislarini kattagina yakkaxon konsert dasturi bilan xushnud qiladigan ko'rinadi.Ozodbek Nazarbekov shogirdi bu yil besh kun mobaynida, yani 14-maydan 18-mayga qadar poytaxtimizning muhtasham "Istiqlol" san'at saroyida o'z yakkaxon konsert dasturini taqdim etishni reja qilgan. "Yuragimga yaqinsiz" deya nomlangan ushbu konsertga tayyorgarlik ishlari boshlab yuborildi. Qizig'i, ijodkor ham o'z ustozidan qolishmagan holda fonogramma orqali konsert berishi aniq. Yana kim biladi deysiz, balki ba'zi yangi qo'shiqlar jonli ijroda ham kuylanib qolsa ajab emas.
