Ko'plab katta yoshdagi musiqa ixlosmandlari Davron G'oyipov nomini juda yaxshi eslashadi. Ushbu ijodkorning har bir taronasi barchani qalbidan o'sha paytlar chuqur joy egallagan. Lekin biz sizga Davron G'oyipovning o'zi haqida emas, balki qisman bo'lsada sizga bir oz bo'lsada tanish bo'lgan uning jiyani, ya'ni Jasurxon G'oyipov haqida ma'lumot bermoqchimiz.Istedodli ijodkor ko'pdan buyon estradamizda faoliyat yuritishiga qaramay, taronalar taqdim etishga u qadar shoshmaydi. Jasurxon o'z ijodini yangi pallaga ko'tarish maqsadida bir paytlar Abduvali Rajabov va Doston Ubaydullayevlarga prodyusserlik qilgan Jamshid Xojiniyozov bilan shartnoma imzoladi. Aynan ushbu hamkorlik mevasi tez kunlarda "Yonish" taronasiga suratga olinayotgan klipda aks etadi. Klip g'oyasi va rejissyori Jamshid Xojiniyozovning o'zidir. Prodyusserning so'zlariga ko'ra, hamkorlik natijasi sifatida va'da berishni emas, balki aynan o'z mexnat va ishlarini taqdim etish orqali muxlislar qalbini zabt etishmoqchi. Qiziq, 15-fevral kuni taqim etilishi rejalashtirilgan ushbu klip qanday chiqadiyu, u siz-u bizga yoqadimi yoki yo'q, buni vaqt ko'rsatadi. Hozircha ijodkorlar o'z so'zlari ustidan chiqishlari uchun jiddiy mexnat qilishsin.
