Sho'xgina taronalar ijrochisi hamda ba'zida aktrisalik qiluvchi Munisa Rizayeva ijodini ko'pchilik kuzatib borishi aniq. Har bir yaratgan taronasi insonga sho'x kayfiyat bag'ishlaydi. Bir necha yillik ijod faoliyatidan so'ng ijodkor o'z yakkaxon konsert dasturini taqdim etishga axd qildi.May oyida taqdim etilishi rejalashtirilgan ushbu yakkaxon konsert sanalari hozircha no'malum. Lekin ushbu konsertda Munisaning harakteriga monand o'zgacha uslub va chiqish guvohiga aylanishingiz aniq. Bundan tashqari Munisa hozirda o'zining yangi sirli taronasini yaqin kunlarda taqdim etmoqchi. Rusizabon taronaga hattoki klip ham olinishi rejalashtirilgan. Klipmeyker esa Rustam Murodov bo'lishi aniq. Hozirda klipmeyker klip uchun maxsus g'oyalarni pishitish bilan band. Shaxsan Munisaning o'zi esa Malayziyaga bir necha kunlik mexnat va ta'til safariga ketish arafasida. Ushbu safar chog'ida yuqorida zikr etilgan taronaga klip ham suratga tushiriladi. Safardan so'ng esa konsertga jiddiy hozirlik boshlab yuborilishi aniq. Darvoqe, konsert sanalari ham aynan safardan so'ng aniq bo'lib qolsa ajab emas.
