Quvnoqlar va Zukkolar ko'rik tanlovining doimiy ishtirokchilari bo'lmish QVZ Qizlar terma jamoasi chiqishlariga ko'p bora guvoh bo'lganmiz. Lekin ko'p hollarda ular asosan mehmon sifatida ishtirok etishar edi. Ana endi esa qizlar o'zlarining ilk yumoristik konsert dasturlarini taqdim etishmoqchi.15-16-fevral kuni Turkiston saroyida bo'lib o'tishi rejalashtirilgan yumor va kulgiga boy konsert dasturida ko'plab kutilmagan syurprizlar hamda estradamiz yulduzlari chiqishlari sizni hayratga solishi aniq. Bundan tashqari konsertdan so'ng yaxshi kayfiyat sizni uzoq vaqt mobaynida tark etmasligi aniq. Komola Sultonova, Kamola Mirhodiyeva, Dildora A'zamova, Dilfuza Baratova, Nina Skutinalardan iborat jamoa bugungi kunda konsertga qizg'in tayyorgarlik olib bormoqda. Shunday ekan konsertga shoshiling va umringizni yaxshi kulgu bilan yanada uzaytiring.
