Ba'zi hollarda estradamizda o'z faoliyatini binoyidek yurgazib kelayotgan ijodkorlar birdaniga g'oyib bo'lib qolishlarini kuzatamiz. Kimdur butunlay g'oyib bo'lsa, yana kimdur kichik vaqt va fursatdan so'ng yana ijodga jiddiy tarzda qaytadi. Ana shunday 4 yillik tanaffusdan so'ng estradamizga qayta kirib kelgan Akmal Ismoilov o'z ijodini yana davom ettiradigan bo'ldi."Bormisan" va "Yagona bo'lsa" taronalarinidan so'ng ijodkor bugun o'zining eng yangi taronasini taqdim etmoqda. "Egizaklar" deya nomlangan yangi qo'shiq musiqasi Aziz Xolmurodov, matni esa Tohir Muhammad qalamiga mansub bo'lib, saytimiz orqali tinglab, baho berishingiz mumkin. Akmal Ismoilov nima sabab bunday nomli tarona kuylaganini so'raganimizda, u noyob yo'nalish va kuylar kuylashni xush ko'rishini aytib o'tdi. Tez kunlarda aynan ushbu tarona uchun video klip suratga olinishi ham rejalashtirilgan. Darvoqe, xonanda bilan qanday aloqa qilib, bog'lanishni bilmayotgan do'stlar uchun iltimosga ko'ra uning telefon raqamlarini taqdim etamiz. (+998 98) 301-0571 va (+998 90) 940-8191. O'ylaymizki ijodkorning yaqinlari uni endi izlab topa oladilar.
