Ko'plab xonanda va ijodkorlar hayot tashvishlari bilan bo'lib, ba'zi hollarda san'atdan vaqtinchalik ta'tilga chiqishadi. Masalan Nasiba Abdullayeva o'z vaqtida oz emas, ko'p emas naqd 15 yillik tanaffusdan so'ng ijodga qaytgan edi. Bu ro'yhatga yana ko'plab xonanda va guruhlarni kiritishimiz mumkin. Aynan shu ro'yhatga yana bir ijodkor, bundan bir necha yillar oldin estradamizda namoyon bo'lib, keyinchalik esa turmush qurganidan so'ng tanaffus qilgan Go'zal Ahmedovani ham kiritishimiz mumkin.Go'zal Ahmedova hozirda ijodga uzoq tanaffusdan so'ng jiddiy kirishgan. Ijodkor hozirda bir emas naqd to'rt taronani tinglovchilar hukmiga taqdim etmoqda. Ayniqsa "Hayollarim" kompozitsiyasidan uning umidi katta. O'ylaymizki ijodkorning ushbu qaytishi unga omad keltirib, tez orada o'z muxlislariga ega bo'ladi va barchaga xush yoquvchi taronalar ketma-ketligi bilan quvontirishda davom etadi.
