O'tgan bir yildan oshiq vaqt mobaynida to'laqonli mustaqil ravishda ijod qilayotgan estradamiz namoyondasi Ruxshona o'zining "Joni" kompozitsiyasiga ishlangan klipni yaqindagina taqdim etgan edi. Ushbu taronadan so'ng ijodkor beshga yaqin yangi taronalarini hukmingizga havola qilmoqchi.Ulardan eng birinchisi "Ayon" deb nomlangan bo'lib, G'ayrat Jonodilov matni, Murodilla Hakimov musiqasi asosida bastalangandir. Sokin tarzdagi kompozitsiya tez orada aynan saytimiz orqali taqdim etilishi rejalashtirilgan. Qolgan taronalarni esa o'z navbati bilan ketma-ketlik ila qarshi olasiz. Bundan tashqari ijodkor aprel oyining 14-15-16-sanalarida o'z yakkaxon konsert dasturi bilan Andijon shaxriga safar uyushtiradi. Qiziq, odatda ijodkorlarimiz poytaxtimizda yakkaxon konsertlarini taqdim etib, so'ngra viloyatlarga gastrolga otlanardilar. Ruxshona esa aksincha yo'l tutayotgan ko'rinadi.
