Avvalgi yangiliklarimizdan birida Doston Ubaydullayev o'zining yakkaxon konsert dasturini taqdim etmoqchiligi haqida ma'lumot berib o'tgan edik. Va nihoyat ushbu yakkaxon konsert dasturi sanalari ham ma'lum bo'ldi.4 va 5-oktabr kunlari poytaxtimizning muxtasham "Istiqlol" san'at saroyida bo'lib o'tishi kutilayotgan konsert dasturi "Sog'inib" deya nomlandi. Ushbu dasturda Doston Ubaydullayevning o'nga yaqin yangi taronalari ham taqdim etiladi. Hozirda ushbu yangi taronalarni yozish ishlari olib borilmoqda. Bundan tashqari ijodkor Klipmeyker Sa'dulla Hikmatov bilan birgalikda "Senga shaydoman" kompozitsiyasi uchun klip suratga olishdi. Voqeaviy-trek ko'rinishidagi klipni tez kunda taqdim etilishi rejalashtirilgan.
