Odatda kompozitorlarimiz faqatgina qo'shiq yaratadilar halos. Lekin estradamizda ko'plab ijodkor xonanda bastakorlarimiz ham mavjudki, ular o'zlari ham ba'zida kuylab turishadi. O'z ijodiga jiddiy e'tibor qaratishni boshlagan navbatdagi kompozitor va endi xonanda Zafar Qodirovning ijod mahsullarini siz avval tinglagansiz. Endi esa...Endi esa ijodkorning professional tarzda xonandalik mahoratidan ham baxramand bo'lishimiz mumkin. Bunga qadar Zafar Qodirov Jasur Umirov, Jalil Mavlonov, Vohidjon Isoqov va Shahnoza Otaboyeva va ko'plab boshqa xonandalar uchun yangi musiqiy g'oyalar yaratib kelgan edi. Hozirga qadar ijodkorni havaskorona uch taronasi mavjud. Biri esa Jasur Umirov bilan kuylangan Do'st duetidir. Xonandani professional ijodini o'zining "Tushlarimga kir" kompozitsiyasi bilan boshlamoqda. Ijodkorning ijodiga qo'shiqni tinglab, fikr bildirishingiz mumkin.
