Odatda qayta kuylangan qo'shiqlar o'zida zamonaviylik va yangi nafasni mujassam qiladi. Shu boisdan bo'lsa kerak, estradamizning bir necha yillik ijodkori Firdavs o'zining 14 yil avval kuylangan taronasini qayta kuylashga bel bog'ladi.Ko'plab muxlislar talabiga binoan Ibrohim Jiyanov matni hamda Jamshid Gaffarovning yangicha oranjirovkasi asosida kuylangan "Yori dildor" kompozitsiyasi qayta taqdim etilmoqda. Firdavsning takidlashicha ushbu kompozitsiya uning ijodidagi eng sevimli taronalaridan biri ekan. Bundan tashqari, Firdavs bu yil o'zining ijodidagi yettinchi albomini taqdim etishni rejalashtirgan. Albomdan 12 trek joy olishi aniq. Albomdagi "Hayolim yor o'zing" hamda "Yuragim orzuga yetsin" qo'shiqlariga klip suratga olinib, tayyor holatga keltirildi. Darvoqe, yangi "Qalbimda sen" hamda "Yori dildor" taronalari uchun ham klip suratga olish rejalashtirilgan. Hozirda kliplarning ssenariylari ustida ishlar olib borilmoqda. Tez kunda suratga olish ishlari ham boshlab yuborilishi aniq.
