Bir yil ichida bir nechta videoklip va o'ndan ortiq qo'shiqlarini tinglovchilarga taqdim etishga ulgurgan xonandaning "Yorim" va "Go'yo" qo'shiqlari yoshlar ichida ommabop bo'lib ketdi. Dardu-xasrat va qayg'uli muhabbat mavzusidan chekingan holda ijodkor quvnoq tarona kuylashga jazm etdi. "Jaga" deb nomlangan yangi qo'shiq muallifi Bobur Umarov bo'lib, musiqa, matn va oranjirovka aynan uning ijodi maxsulidir. Aynan shu qo'shiq uchun klip ham suratga olinib, hozirda montaj ishlari amalga oshirilmoqda. Klip g'oyasi va rejissyorlik ishlari iste'dodli klipmeyker Narimon Sultonxo'jayevga ishonib topshirildi. Ushbu videoklip komedik trek yo'nalishda bo'lib, qiziqarli voqealar bilan boyitilgan va tomoshabinlar kayfiyatini ko'tarishi extimoldan holi emas.