Bir necha kun avval poytaxtimizda joylashgan "Alisher Navoiy" nomli kinosaroyida "Katta odam" kinokartinasining namoyishi bo'lib o'tdi.Mazkur taqdimotda kino ixlosmandlari, ijodkorlar hamda OAV vakillari ishtirok etishdi. Film namoyishini Dilshodbek Kattabekov olib bordi.
Xushovoz yosh va umidli xonanda Zoirbek ham o'z qo'shiqlari bilan birga "Katta odam" kartinasi uchun kuylagan soundtrackini taqdim etdi. Ana undan so'ng ijodiy jamoa sahnaga taklif qilindi. Komediya janridagi filmning asosiy qahramonlari bolalarni tashkil etadi. Undagi voqealar aynan shu bolalar atrofida bo'lib o'tadi.
"Katta odam" filmi uchun yosh ijodkor Zoirbek soundtrack ijro etgan. Mazkur taronaning mualliflariga to'xtaladigan bo'lsak, so'zi Kamron qalamiga mansub. Musiqasi esa Saidumar Imomxo'jayev tomonidan bastalangan. Bundan tashqari sountracklar yo'nalishida Zoirbek yana "Sabr" nomli milliy teleserial uchun maxsus tarona ijro etdi.
Xonandaning shaxsiy ijodi doir yangi klip ham tomoshabinlar e'tiborini qozonishi muqarrar. Diqqat qiling, "Orzuli" deb nomlangan qo'shiq uchun olingan video klip trek yo'nalishida bo'lib, rejissyor Davron Po'latov tomonidan suratga olindi. Eslatib o'tamiz, ushbu taronaning so'zi va musiqasi muallifi Siyovush Ramazonov. Ushbu klipni tez kunda saytimiz orqali tomosha qilishingiz mumkin.
