Xonanda Firdavs kichik vaqt oralig'ida yangi qo'shiq va kliplari taqdim etmay o'z muxlislarini sog'intirib qo'ygan edi. Lekin bu tanaffus o'z nihoyasiga yetgan va xonanda bir emas, bir necha yangi ijodiy sovg'alari bilan barchani xushnud qilish niyatida.Rustam Hudoyberganov matni, Jamshid Gapparov musiqa va sayqali asosida "Yog'ar yomg'irlar" taronasini siz saytimizdan ko'chirib olishingiz mumkin. Ushbu qo'shiq uchun hozirda klip ishlash uchun rejissor izlanmoqda.
Vatan nomini madh etgan holda Firdavs Muhammad Yusuf matni va Zokir To'ychiyev musiqasi asosida "Vatan yagonasan" qo'shig'ini tayyorladi. Bundan tashqari ushbu qo'shiq uchun maxsus klip ham suratga olindi.
Bobur bobomurod matni va Azim Mullaxonov musiqasi asosida "Oshiq bo'ldim" qo'shig'i ham tez orada muhlislar hukmiga havola qilinadi.
Bundan tashqari xonanda Dilso'z bilan birgalikda ijodiy duetga qo'l bog'ladi. "Navro'z keldi" taronasini yangi talqinda kuylagan ijodkorlar uchun ushbu duet omadli chiqdi desak hato bo'lmaydi.
Darvoqe, Firdavs yaqin kunlarda o'zining yangi "Sog'inganim" deb nomlangan albomini taqdim etish arafasida. Yuqorida zikr etilgan qo'shiq va kliplarni saytimiz fonotekasidan bemalol tinglashingiz va tomosha qilishingiz mumkin.
