Estrada ijodkori bo'lmish Shohjahon Jo'rayev o'zining "Go'zalim" taronasi uchun maxsus klip suratga oldirdi. Qiziq tomoni, ijodkorni ko'rib, tanimay qolishingiz aniq.Odatda uzun soch va mo'ylovga ega Shohjahon Jo'rayevni ko'raverib, doimiy imijga o'rganib qolgan ekanmiz. Rauf Nabiyev suratga olgan klipda esa na mo'ylovdan va na uzun sochdan asar ham qolgan emas. Klipda Zarina Nizomiddinovani ham uchratishingiz mumkin. Zohid Olov matni va Shohjahon Jo'rayev musiqasi asosida bastalangan ushbu qo'shiq va unga ishlangan klipdan esa tez orada saytimiz orqali baxramand bo'lishingiz mumkin bo'ladi. Darvoqe, yangi imijga siz ham baho berishingiz mumkin. Klip jarayonidan fotosurat va izohlarda ushbu imijga bo'lgan fikringizni ayamang.
