Odatda mashhurlar hayotidagi turli mish-mishlar, ayniqsa ular yomon bo'lsa juda ham tez tarqaladi. So'nggi kunlardagi yana bir mish-mishga ko'ra Karen Gafurjanov ajrashgan emish.Zero, ijodkor oilali bo'lganiga ko'p vaqt bo'lgani yo'q. Ushbu masalaga oydinlik kiritish maqsadida Karen Gafurjanov bilan bog'lanishga qaror qildik.
Ijodkorning so'zlariga ko'ra bunday mish-mishlarning tarqalishiga, uning yangi "Xaydalish kuyi" nomli qo'shig'i sababchi bo'lgan emish. Abdulla Qodiriyning "O'tgan kunlar" romanidan ilhomlanib yozilgan. Qo'shiq matni Bobur Bobomurod, musiqasi Rinat Abubakirov va Alisher Abdugapparovlar tomonidan bastalangan. Tez orada ushbu qo'shiq uchun maxsus klip olish ishlari ham boshlanadi va bahor oyida albatta taqdim etilishi rejalashtirilgan.
