Anchadan buyon ijodiy yangilik qilmay qo'ygan Ato guruhi o'z ijodini yakunlagandek taasurot uyg'otayotgan edi. Lekin guruh a'zolari ijod to'xtatilmagan va aksincha yangidan-yangi qo'shiqlar ustida ish olib borishmoqda ekan.Jumladan tez orada yangi "Jonim" nomli kompozitsiya omma e'tiboriga havola etilishi rejalashtirilgan. Musiqa va matn guruh ijodkorlarining o'zlari tomonidan bastalangan. Qo'shiq uchun maxsus romantik yo'nalishda klip olish ishlari ham boshlab yuborilgan. Unda asosiy rollardan birini taniqli aktrisalarimizdan biri ijro etishi kutilmoqda. Aynan qaysi aktrisaligi esa hozircha sir tutilmoqda. Bundan tashqari bir necha musiqiy loyihalar ham deyarli tayyor. Faqat ular bilan ketma-ketlik bilan yaqin fursatda baxramand bo'lishimiz mumkin bo'ladi.
